Supporters
Friday, October 8, 2010
શ્વાસ ભરતો જાઉછું.
સ્પર્શથી તારા નિખરતો જાઉછું,
શ્યામછું, હું શ્વેત બનતો જાઉછું.
લે મને આષ્લેશમાં 'મારો' કહી,
જાત માંથી હું નીકળતો જાઉછું.
છે હવામાં માત્ર તારા સ્પંદનો,
એટલે હું શ્વાસ ભરતો જાઉછું.
જ્યોત થઈને ઝળહળે તું એટલે,
મીણ માફક હું પીગળતો જાઉછું.
તું ખભે માથું મુકીને રડ નહીં,
આંખમાંથી હું સરકતો જાઉછું.
Saturday, July 17, 2010
મારી આંખો રંગબેરંગી સપનાઓથી ભરતી ગઈ,
એક છોકરી સાવ અમસ્તા મરી સામે મલકીગઇ.
પાપણ સ્હેજ ઝુકાવી એનું મારી સામે મલકાવુ,
શબ્દ વગરના આવકારને કેમ કરીને વિસરાવુ?
ગળચટ્ટી આશાઓ જાણે મારા હૈયે છલકી ગઇ,
એક છોકરી સાવ અમસ્તા મરી સામે મલકીગઇ.
સ્હેજ સમિપે જાઉં જરા ને નામ તો એનું જાણું,
રૂપમતીના રૂપની સાથે સાદનો રણકો માણું.
એક નજરમાં મારુ જીવન એના નામે કરતી ગઇ,
એક છોકરી સાવ અમસ્તા મરી સામે મલકીગઇ.
Monday, May 31, 2010
Saturday, May 29, 2010
Friday, May 28, 2010
Subscribe to:
Posts (Atom)